امبارح خرجت من البيت وقولت اتمشى شوية كعاداتى
وانا ماشى لقتنى واقف على اول شارعنا
فسلمت على نفسى وكلمتنى وقولتلى نتمشى معايا شوية
ومشيت معايا وقعدت على الكافيتريا
فكلمتنى وحكيت معايا فى موضوع كان مزعلنى
فمعجبنيش كلامى ودايقنى قوى
فخنقتنى وقمت سايبنى وماشى
بعد مازهقتنى فاجريت ورايا وناديت عليا فطنشطنى
فاقمت ماسك تليقونى واتصلت بيا فا فاتحت عليا
فاقولتلى انت زعلت منى ولا اية
روحت قفشتنى وقافل السكة
وقمت اتمسيت شوية
وراجع على البيت لقتنى واقف على اول شارعنا
فاقابلتنى روحت جايبنى عن البيت
وعملت كوبيتين شاى وشاربت وشاربتنى
وقولتلى عادى انا كنت مخنوق وانت خنقتنى
ودخلتنى البيت ونمت
فاحلمت انى شوفتنى واقف بعيد وزعلان
فاروحت صلحتنى
بس ماعدتش ماشى معايا تانى ولا خارج معايا ولا جايبنى تانى
ولا رايح فى حتة من النهاردا
من النهادا انا فى طريق وانا فى طريق
اظن كدا مايزعلنيش فى حاجة ولا يقفشنى
وروحت واخدنى ومقعدنى ومصالحنى
وسبتنى ومشيت
وقمت من النوم بعد كدا
هناك 6 تعليقات:
لا انت خدك وروحو اعدو فى مكان هادى وان شاء الله النفوس تتصافى انت وانت وربنا يقدم اللى فيه الخير
ههههههههههههههههههههههه
بجد كلامك اينعم انو جننى شويه بس عجبنى
اول زياره ومش الاخيره ان شاء الله
تقبل مرورى
NoNa
فكرة جميله وشيقه وفيها ابتسامه شكرا على انك جعلتنى ابتسم مع تمنياتى لك بالسعاده دائما تقبل تحياتى الاحـــــــــــــلام
naira
شكرا جدا على التعليق
اسعدنى مرمرك
ودى واحترامى
صديقى ابو داود
ودى واحترامى
دا من بعض ماعندكم يا باشا
مواضيعك انت احلى
شكرا على التعليق
هههههههههههههههههه
حلوة الفكره دي
اعوذ بالله من النفس والامارة بصاحبها
يعم خلاص ارجع بقرارك ورجع نفسك ليك
حرام تفضل وحيده لاتقاطعها
خليها صديقك
كلمات جميلة ومعبره
عارفة ان تعليقي جيه متاخر
اعذرني ظروف الدراسه.
تقبل مروري
سلامي ليك اخي.
صديقتى خواطر مع الحياة
انتى الى اجمل والله
ومنورانى فى مدونتى المتواضعة
شكرا على التعليق
ودى واحترامى
إرسال تعليق