يمين فى يمين

يمين فى يمين
لو قولت يمين فى يمين اكيد هتلاقو قـــــــــلب حزين مرسوم على البيبان وهوا دا العنوان 5شارع الحب المستحيل على اليمين المكتبة هتلاقو الكتب مترتبة افتحو وشوفو الى جرا فوق السطور المتسطرة

يمين فى يمين

اولها هتلاقو ارق طيبة وعنوانها امى الحبيبة



تانيها هتلاقو الى حلمت بيها وفلبى حبها



وتالتها هتلاقو اعز صاحب ليا



والوحيد الى غدر بيا

صحبتو لقيتو كجرد صديق

سابنى وبعنى فى اول طريق


ولما مشيت طريقى ولقيت بر الامان



راجع يبكى ليا وعامل برىء



تانيها هتلاقو الى حلمت بيها



وقلبى حبها



وراجع مشتاق اليها



يالى اخدتها



ومن قلبى بقولها الله يسهلها



وسأبقى دوما عاليا



وسيبقى قلمى باقيا



وسأظل بنفسى راضيا



الأحد، 13 مارس، 2011

الجنازة املكية على ايادى مصرية


انتقل الى جهنم وبئس المصير غير مأسوف علية فى ميدان التحرير
حضرة الفاسد الذى وجع بطنى المدعو بالحزب الوطنى
نجل المرحوم عبدة مرتشى القشاش الذى يقش والمرحومة فتحية محسوبية ام كرش
وسليل عائلة البلطجى سيد قرارة الشهير بزوج الرحومة ست تزوير ام كرش كبير
ووالد الاستاذ قمع بالدخلية سابقا ومدام تلوث المنافقة والاستاذ فساد بمجلس الشعب
الموقر الباطل
والست كوسة بمجلس الشورى الفاخر العاطل
ورشوة هانم بالقرية الذكية ود।منشار تاجر الاعضاء البشرية والخيار
وقد توفى الفقيد بميدان التحرير فى يوم عسير اثر حادث اليم ومرير
حيث تشاجر مع بعض الشباب الشرير
المسلح بد بابات الارادة ومدافع من الهتافات شديدة الابادة
وقاوم الفقيد حتى لا يطاطى وطلق عليهم العبيط الرصاص المطاطى
وحاول ان يخفى سمعتة الملطخة بالوعود المفخخة والقنابل المسيلة للدموع
ولكن خرج من يدة الموضوع فأصابة المغص وخاف
وسقط سريعا تحت ارجل الهتاف ولفظ انفاسة الاخيرة وراح فى شربة مية
ولم تتم الصلاة علية فى رابعة العدوية
او عمر مكرم بناء على الوصية
وأقيم العزاء فى مزبلة التاريخ
ووزعو على روحة القرع والبطيخ كما وزعو على الحسالة اكياس الزبالة
والفقيد علية اللعنات قريب ونسيب عائلات (نظيف وشريف وحبيب وسلب ونهب وتخريب )
والفقيد مشهود لة بالكفاءة فى الدناءة والبذاءة
بأستخدام الاشاعات للخروج من الازمات وكان يهرب من اى مصيبة او كمين بتلفيق التهم للمجانين
وكان استاذا للتناحة فى اكادمية الوقاحة
وللفقيد مأثر فريدة ومؤلفات عديدة منها اعطهم الفتات لتفوز بالمليارات
والكنز السمين فى تجويع الملايين
واساليب الاذلال لقهر الرجــــــــــــــــــــــــــــال والشفافية المبهرة فى الانتخابات المزورة
وترويع البشرية بالفتنة الطائفية والسحر الباطن للسيطرة على المواطن
والضحك على الامة بمؤتمرات القمة
واصول الفلسفة فى السك على القفا
وقد وقف بعض البلطجية المأجورين من الرعاع والمساطيل والمنافقين
لتشيع الفقيد الى مقرة الاخير وهم يغنون فى حبور
الى جنة ( العز والسرور)
ولقد رأينا ان نرسل لكل عضو نائب هذا العزاء غير الواجب
والسلام ختام
كان بقلم ياسر قطامش

الثلاثاء، 22 فبراير، 2011

حدوتة مصرية

الثورة دى انا عشتها
وكنت انا واحد منها
وعشان بلدى بحبها
خرجت هتفت بأسمها
بلادى بلادى بحبها
وشوفت خواتى انا بعنيا
بتموت وضحى بنفسها
خرجنا بروح وبجدية
وهتفنا بقلب ووطنية
ومطالبنا كانت شرعية
وقولنا عايزين تغير وعدالة اجتماعية
ومظاهرة كانت سلمية
وأظن ياناس من حقنا
نطلب تحقيق حلمنا
وتحية منى من هنا
على كل شهيد مات مننا
للحديث بقية الى شهاء الثورة المصرية

الاثنين، 7 فبراير، 2011

أكلى لحوم البشر

ذكرت صحيفة غارديان البريطانية ان ثرروة الرئيس الجميل دا تتراوح بين 40 و70 مليار
وفقا لتحاليل خبراء فى الشرق الاوسط
واوضحت ان هزة الثروة موزعة مابين ارصدة فى بنوك سويسرية وبريطانية وعقارات فى بريطانية وامريكا ومصر
وبحسب الصحيفة فأنة خلال 30بأعتبارة مسؤولا عن البلاد ورئيسا لها والحاكم العسكرى الاول فأنة استطاع
الحصول على مليارات من كثير من الصفقات
معظمها تم استخراجها من البلاد ووضعها فى بنوك سرية
مثل بنك يوبى أس السويسرى وبنك اسكتلندا واستسمر بعضها فى قصور وفنادق
ونقلت عن الخبير فى سياسات الشرق الاوسط البروفيسور ديفدديسون
من جامعة دور هام البريطانية انا مبارك وابنة تمكنو من جمع ثروتهم
عبر مستثمرين فى اجانب وشركات رجال اعمال اجانب
ووفق غرديان انة ليس مستغربا ان تصل قيمة ثروة اسرة مبارك الى اكثر
من 40 مليار دولار لان اغلب الشركات الكبرى مفاوض عليها ان تقدم 50%
من ارباحها الى احد افراض اسرتة وهو معروف طبعا
وتقدر الصحيفة ثروة مبارك الشخصية ب 15 مليار دولار اغربها كما تقول
فى عملات سلاح وصفقات عقارية مشبوهة
ثروة المعلم جمال
وتؤكد الصحيفة ان الامين العام المساعد للحزب الوطنى
الحاكم فى مصر يملك وحدة ثروة تقدر
بـــ17مليار دولار موزعة على عدة مؤسسات مصرفية
فى سويسرا والمانيا والولايات المتحدة وبريطانيا
ووفق المصادر فان جمال يملك حسابا جاريا سريا فى كل من بنوك
يوبى أس وأى سى ام وتتوزع ثروتة عبر صناديق استثمارية عديدة
فى الولايات المتحدة وبريطانيا منها مؤسسة بريستول اندويست العقارية البريطانية
ومؤسسة فايننشأل داتاسيرفس
التى تدير صناديق الاستثمار المشترك
والله انا تعبت فى الشوية دول
على العموم ربنا يستر
واللـــــــــــــــــــــــــــــــــــــــه اعــــــــــــــــــــــــــلم
بحب بلدى

الخميس، 27 يناير، 2011

موعدنا بكرة انشاء الله بعد الصلاة

اطلع ياريس وورينا جمال طلعتك
وابقى سمعنا كلمتك
ولما تسيبها وتمشى ابقى فرجنا جمال خطوتك
بكرة ياريت كلو يطلع بعد الصلاة

الأربعاء، 19 يناير، 2011

اوصف اية


اعمل اية
علشان تحسى بالى قلبى حس بية
وأوصف اية
واحكى انا اية!!!
اتغير حالى من الى انا فية !!!
نفسى اعرف
قلبك انتى
بيحلم بأية
انتى عارفة انتى اية بالنسبة ليا!
انتى عمرى
ونور عنيا
انتى رعشة قلبى
لو تلمس ايدك ايديا
ولمعة عيونى
لما تشوفك عنيا
عرفتى انتى اية بالنسبة ليا
عارفة بالنسبالى اية
انتى حلم حلمت بية
انتى حب عايشو
وعايش علية
واوصف اية
واحكى انا اية

الأربعاء، 5 يناير، 2011

امبارح قابلتنى


امبارح خرجت من البيت وقولت اتمشى شوية كعاداتى
وانا ماشى لقتنى واقف على اول شارعنا
فسلمت على نفسى وكلمتنى وقولتلى نتمشى معايا شوية
ومشيت معايا وقعدت على الكافيتريا
فكلمتنى وحكيت معايا فى موضوع كان مزعلنى
فمعجبنيش كلامى ودايقنى قوى
فخنقتنى وقمت سايبنى وماشى
بعد مازهقتنى فاجريت ورايا وناديت عليا فطنشطنى
فاقمت ماسك تليقونى واتصلت بيا فا فاتحت عليا
فاقولتلى انت زعلت منى ولا اية
روحت قفشتنى وقافل السكة
وقمت اتمسيت شوية
وراجع على البيت لقتنى واقف على اول شارعنا
فاقابلتنى روحت جايبنى عن البيت
وعملت كوبيتين شاى وشاربت وشاربتنى
وقولتلى عادى انا كنت مخنوق وانت خنقتنى
ودخلتنى البيت ونمت
فاحلمت انى شوفتنى واقف بعيد وزعلان
فاروحت صلحتنى
بس ماعدتش ماشى معايا تانى ولا خارج معايا ولا جايبنى تانى
ولا رايح فى حتة من النهاردا
من النهادا انا فى طريق وانا فى طريق
اظن كدا مايزعلنيش فى حاجة ولا يقفشنى
وروحت واخدنى ومقعدنى ومصالحنى
وسبتنى ومشيت
وقمت من النوم بعد كدا

الاثنين، 3 يناير، 2011

هتوحشنى ياصحبى


كنت مع صديقى الغالى اقدم عاصمة فى الحب
صاحب مدونة مجال خليك فى حالك
واخبرنى انة توقف عن التدوين ولا اعرف السبب
بس حقيقى( اقدم عاصمة فى الحب ) هتوحشنى بوستاتك جدا
واكيد قريب هتكون موجود على ارض بلوجر
ودى واحترامى الى صديقى الغالى ( اقدم عاصمة فى الحب)